Il böt principal da la Fundaziun Tschanüff es da sgürar e conservar la ruina existenta sco perdütta da l'istorgia variada e d'ün svilup istoric cultural da nossa val. La ruina dess esser accessibla pel public.

Per quist scopo sun necessarias las seguaintas masüras:

- consolidaziun statica da la fundamainta, dals vouts e da la
- müraglia dannagiada;
- pulir e sgürar las curunas dals mürs per impedir o frenar la
- dissoluziun;
- conservar las surfatschas da la müraglia cun schmoltar las giuntas - da crap a crap e cun refar las
- reboccadüras existentas;
- conservar detagls da fabrica da valur;
- inventarisaziun da la ruina e dals contuorns.

Tuot quistas lavurs vegnan planisadas ed effetuadas in stretta collavuraziun cun la "Chüra da monumaints chantunala" e cul cumün da Ramosch


Per ingrondimaint - clicar sül purtret

Lapro esa da tour resguard sülla vegetaziun e sülla fauna fich speciala i'ls contuorns da la ruina.
Ils cuosts amuntan ad ün import da raduond 1.5 milliuns frs. Il proget vain subvenziunà da la Confederaziun e dal Chantun. I resta però ün import remarchabel chi sto gnir finanzià tras donaziuns. Il chapital da partenza da fr. 10'000.00 ha miss a disposiziun il cumün da Ramosch.

Per la conservaziun da la ruina faina quint cun 4 - 5 etappas d'ün on. Cumainzamaint da las lavurs dal on 2003.